Ek Mulaqat - Nashik Meet

StoryHub

Ek Mulaqat

Title pura likh deta to shayad is kisse ka safar yahi khatam ho jata. Adhuri information ko assume karte hue wo maza ni reh jata shayad jo kisi bhi kahaani ko end tak padhne me hai.

For the Part -1, Click here: Ek Mulaqat

Ananya, shayad maine hi galti kar di thi usse aisa question puch k. Mujhe andar hi andar aisa lagg raha tha ki kahi wo ye na soche ki mera irada uspe line maarne ka hai. Mai akela ghumna jada pasand karta hu but pata nahi kyu anjaan jann k bhi aisa laga ki ye mere safarname ka hissa banegi to ye safar mere lie kuch alag hoga. Train ko Nashik pahunchne me abhi bhi kaafi time tha kyunki Kalyan station bhi abhi dur tha or fir Kalyan se Nashik ki duri or time ka mujhe pata tha kyuni mai yaha pehle bhi reh chuka hun.

Train naam k lie to express thi lekin thi puri passenger or jada tar bheed Kalyan se pehle hi utar chuki thi. Mujhe ye samajh ni aa raha tha ki wo kya answer degi - " Haa ya Naa?" Aur agar usne Naa keh dia to mai aage usse kya baat karunga, kyunki ab mere front seat pe sirf wo thi or uske front me mai, hum dono hi window seat pakad k baithe hue the. Uske us stare or ghurne k baad mai lagataar bas window k bahar hi dekh raha tha. Bahar ki greenery se jada mujhe is baat ka darr tha ki ab aage kya hoga.

Ananya ne thoda normal hote hue kaha sorry but mai mera ye time mere Dada Dadi k sath spend karna chahti hu kyunki mujhe badi mushkil se waqt milta hai unke saath rehne ka, waqt bitane ka. Aur wo bhi besabri se intezar karte hain mera. Shayad tumne ye baat Nashik se Pune chalte hue kahi hoti to hum jarur chal sakte the. Ye safar tha to kuch chand ghanto ka tha lekin Ye Mulaqat bohot yaadgar banne wali thi. Mera Dil maano baith sa gaya tha jabki hum ek dusre ko abhi acche se jante bhi nahi the. Maine agar ussey ye baat na puchi hoti to shayad mujhe afsos na hota. Lekin ye safar yun hi nahi khatam hone wala tha.

Baat ko badhane k lie wo Dada Dadi ki story btane lagi or btate hue kaafi khush thi. Dada Dadi ki story sunn k laga ek baar to milna banta hai. Aur itne me usne khud puch lia ki agar time mile to laut te waqt jarur milte hue jana. Tab tak Kalyan station aa gaya. Train ki baaki ki bheed bhi lagbhag yaha utar rahi thi. Maine usey fir chai k lie pucha.

Aur hum dono hi normal hone ka pretend kar rahe the. Wo apni jagah sahi thi shayad maine hi galat sawaal kar lia tha. Kaafi bheed thi station pe, humne chai pi. Baat ko ghumane k lie usne mujhse pucha ki -

" kya plan kia h Nashik me kaha kaha ghumna hai?"

Maine bhi 2-4 jagah k naam gina die jo Nasik station se thoda dur the. Train chali or thodi der me hum Titwala wale bridge k upar se guzre. Mai kaafi din baad yaha aya tha. Kalyan me puri dhoop thi or jaise jaise hum Nashik ki taraf badh rahe the badal kala or ghana ho raha tha. Baarish ki halki boondein khidki pe padd k andar aa rahi thi. Ananya ne to khidki band kar li lekin mai in choti choti boondon, geeli mitti ki khushbu or halki baarish me tez hawa se hilte hue pedon ko dekh k kaafi khush ho raha tha.

Ananya ne fir pucha - tumhe aisi trips or baarish, pahad, nadiyan ye sab kaafi pasand hain lagta hai. Maine bhi kaha - Haa, bohot jada. Train apni speed se aage badhte hue Kasara se Igatpuri ki taraf chali. Ye scene bhi kaafi behtreen tha. Har taraf greenery, do pahad k beech choti se behti choti si nadi, lambe or patle bridge pe chalti humari railgaadi gehrai pe khade hue kch or bridge, kahi or bade pahaad to kahi pahadon pe hui kch kasbon ki kheti. Baarish ki un choti boondon me tez behti hawa or tezi se hilte hue ped. Kahi choti to kahi lambi tunnels. Khidki se hath bahar nikal k boond ekkattha karta hua mai kaafi khush ho raha tha.

Kuch tunnels k upar to mujhe 2-3 chote ghar bhi dikhe jaise kisine farmhouse banwaya ho. Ye sab dekh k mai kaafi khush tha or shayd kuch pal k lie Ananya ka wo NAA bhi bhul gaya tha.

Ananya mere face k ye expressions kaafi dhyan se dekh rahi thi.

Ananya - " Usne pucha Nashik jaldi aane wala hai, ab tum kaha jaoge?"

Devesh - " Pata nahi, soch raha hu cab kar k Triyambkeshwar chala jaun fir waha se dekhunga."

Ananya - " Aaj kahi stay kar lo. Morning se journey start karna."

Devesh - " Jada time nahi bachega fir. Better hoga travel raat me pura kar lu."

Itne me station agya. Train se utarte hue hi maine mobile nikal k Map or Google pe kuch search karna start kia. Ananya meri taraf aayi or boli number note kar lo incase if you need to ask anything or you get stuck somewhere. Maine thanks kaha or hum dono ne " It was Nice meeting you bol k jaane lage." Mujhe abhi bhi lagg raha tha ki Ek Mulaqat itni jaruri si kaise ho sakti hai. Ye Mulaqat kch adhuri si lagg rahi thi jo aise to bilkul bhi khatam nahi ho sakti thi. Piche se Ananya aai or usne bola suno - " Dada Dadi se milne k baad hum chalne ka plan bana sakte hain." Mai sun k kaafi khush hua magar fir usne wo ghurne wala look dia and she smiled back.

Is baar maine usse pucha ki agar Dada or Dadi ne tumhe jane se rok lia ya mana kar dia to ......??

Ye sawaal sun k hum dono k beech us bheed bhare station pe bhi khamoshi si chhaa gayi thi or dono hi chup hogye the. Iska jawab na uske pass tha or na mere. Fir ....??