Baaton ki shuruwaat
Kahani shuru hone se pehle hi bata dun agar apne previous parts nahi padhe hain to, mai link mention kar de raha hu kyunki ye last part hai, thoda lamba bhi jaega. Kota ki story hai, lambi or interesting hona to banta hai.
Wo kho gayi : Beginning
Wo kho gayi Part-3 : Attention
Wo kho gayi Part-4 : Knowing the name
Do read at above mentioned links.
“Zindagi k badal jane me waqt nahi lagta, kabhi kabhi waqt badal jane me puri Zindagi lag jati hai.”
To ye kissa shuru hua tha Kota me. Har saal hazaron kahiye ya fir laakhon bacche jate hain IIT or medical ki preparation k lie, chahe Kota ya fir koi or sheher. Kahi kisi k ionic or co-valent bond bante hain to koi purane bond ko tod k yaha naye bond banal leta hai. Hazaron ki taadad me bond bante bigadte rehte hain.
Ab jaruri to nahi ki saare bond bane rahein. Lekin in jagah pe subah ka paav makkhan dene wale Golu bhaia sabki kahani bante bigadte dekha karte the to kuch chatpati si nokjhok Monty bhaia k café me bhi hua karti thi jab bacche Maths ka lecture khatam kar k waha aya karte the. Har institute ka apna apna timing tha. Kisi ki saari padhai ka package ek hi institution me hota tha to kisi ka Maths kahi or Physics kahi or.
Mera Maths Gupta sir k yaha chalta tha or Physics ki pulley or tension Sharma sir k yaha or Chemistry k bonds or Organic Srivastava sir k yaha. Aise to dekha jae to most of the students, wo ya to islie ate hain kyunki family ka pressure hota hai ya un par rishtedaar or neighbours ka, ya koi bada bhai behen engineer hai islie.
Maths me jab tak Algebra tha tab bhi thik tha lein jabse ye trigonometry or triangle and circle ki properties shuru hui thi tabse mann hi hatt gaya tha. Ajse pehle mann laga k Maths 8th mei padhi thi baki to pass hone k lie padhte aa rahe the. School me kabhi interesting nahi lagi Maths class or aaj bs yahi intezar rehta tha ki kab Physics, Chemistry ki class over ho or Maths shuru ho. Backbencher hone ki bhi lambi kahani hai wo next series me aegi lekin yaha mai backbencher se front-bencher ho chuka tha. Maths class me doubts puchne laga tha, sir k answers dene laga tha.
Soumya hamesha hi class shuru hone se 5 minute pehle enter hoti thi maano uski seat reserved ho us corner k lie. Or mai, as usual sabse pehle aata tha ki kahi seat na chali jae. Class me almost har kisi ko pata hota tha ki kiska bond kaha chal raha hai. Aaj fir wo aai or aage aa k baith gayi. Uske aate hi doston ka chidhana, tease karna shuru ho jata tha.
Ab padhai me kam uspe dimaag jada rehta tha. Aaj maine soch lia tha ki Soumya se chutti me baat karunga kisi na kisi bahane se. Notes maangne k ya fir kisi or subject k respect me kyunki uski baki ki class dusri jagah chalti thi. Maths ki class khatam hui sab nikalne lage fir last me Soumya or uske piche mai. Gate se bahar nikle hi the ki puri himmat juta k maine puch hi lia ki aaj ka lecture tumhe samajh aya kya…???
Usne kaha kuch doubts baki cleared hai. Fir usne puch lia ki – “Kyun, tumhe nahi aya …??”
Maine hadbadate hue kaha ki – “Aaya, but kuch doubts hain, wo kal clear kar lungaa.”
Aage kya puchun samaj ni aa raha thaa, itne me usne kaha – “Okk, kal milte hain..”
Mai use uska number maangna chahta tha but most of the cases me ladke hadbadate jate hain, or ye din yahi khatam hogaya. Mai kaafi khush tha ki kuch thodi si baat hogyi. Doston ka tease karna abhi bhi chaalu tha. Next day, hum fir mile or aj mai piche nahi balki ek seat aage hi baitha tha or kahi koi dekh k ajeeb look na de islie dono hatho ko muh k side laga k bass Maths k notes padhta jaa raha tha, revise kar raha tha yaa logo se chup raha tha ki koi puch na le bhai aage kyu baitha hai. Wo aai, or side me aake baith gayi, usne Hi… bola, sakpakate hue dhimi si awaz me maine b Hi kaha. Wo puch baithi, aaj aage kyun. Mere pass iska koi jawab nahi tha, maine bol dia bas yun hi. Mai kya hi jawab deta ki tumse baat karne k lie baitha hun. Uske clean and clear multi-coloured notes or mere ek hi color k guche piche notes jinhe sirf mai hi samaj sakta tha. Lecture k end me wo puch baithi ki samaj lete ho aisi handwriting. Maine haste hue kaha – “Haa, mujhe samaj aa jata hai.”
Mere pass koi wajah nahi thi usse uska number maangne ki. 6-7 din aise hi nikal gaye, mai kabhi Facebook pe scroll karta uske saamne kabhi Whatsapp pe. Magar ye nahi bol saka ki –“mujhe tumse baat karni hai, can I get your number yam ai tumhe facebook pe add kar lun jo ki maine tabhi search kar k dhund lia tha jis din mujhe uska naam pata chala tha.” Naam dhundna bhot mushkil nahii tha kyunki Target batch k jo exams hote the uski list gate k bahar notice board pe lag jaya karti thi.
But ye kahani aise hi ni chalni thi kyunki kabhi kabhi jada intezar karna bhi bhaari padd jata hai. Mujhe pata tha ki mera focus preparation me hona chaie lekin is mann manne ko kaha taiyar tha. Puri himmat juta k maine usse uska number ye bolte hue maanga ki yaar kabhi kabhi doubts ho jate hain or ghar par bhi solve nahi hote. Kuch questions sir k method se ya fir book k method se bhi solve nahi hote and you are quite good with Maths. Agar help kar deti to doubts easily clear ho jate or assignments bhi ho jate. Lack ni karta lectures me fir. Or uska revision bhi ho jaega ek tarah se. Or dekha jae to baaton hi baaton me meri bhi padhai ho jaegi kyunki class me har kisi k doubts clear karna Sir k lie bhi possible nahi hai or questions ki variety itni jada hoti hai Maths me ki daily koi na koi, kahi na kahi se doubt arise ho hi jata hai. Uska number maangne k chakkar me pat ani maine kitna kuch bol dia tha, hazaron reasons de die the or mujhe pta bhi nahi tha ki uska jawab aega ya nahi. Ya kya answer hoga. Ye sab soch hi raha tha ki she said – “ Relax, itna clarification ki jarurat nahi hai. I know everything. It’s fine. And then I noted down her number and she said you can call me anytime if you have any doubt."
…
…
Maine socha tha aaj is series ka end yahi karunga lekin shayad nahi, ye kahani aise hi itna jaldi khatam nahi ho sakti. Bohot kucg baki tha abhi hone ko. Next part will be published soon giving this series a Final End.
Do like, comment and share just like the previous one Ek Mulaqat
Thank
you all for your appreciation…
Comments
Waiting for next part