Ek - Mulaqat Nashik Tour

                                                                 StoryHub

Ek - Mulaqat

Part 1 - Ek Mulaqat

Part 2 - Nashik Meet






Ananya ki to haa ho hi chuki thi. Number bhi exchange ho chuke the or baaton ka silsila or aage tak ja chuka tha. Ab bas intezaar tha to agli subah aur Dada Dadi k haa bolne ka. Ye Mulaqat ek naye kisse ki taraf rukh kar chuki thi. Ananya ne ghar pahunch kar mujhe message kia ki mai pahunch gayi hun. Maine bhi night stay k lie hotel me room le lia tha aur use bata dia tha. Raat me Ananya free hui or mai wait bhi kar raha tha, wo online aai or humari baatein shuru hui. Bina ye jaane ki ussey agle din permission milegi ya nahi, aur hum chat pe plans bana rahe the ki subah kitne baje milna hai, kaha kaha jana hai. Hum kaise jaenge aur tarah tarah k sawaal puchne par usney kaha - "Relax karo tum." Ussey kaafi pata tha and she told me relax I will be your guide throughout. Battery kam hone k kaaran usne mujhe call kar lia, buds connect kar k usne phone charging me laga dia. 






Humari baatein aise chal rahi thi maano hum is Ek - Mulaqat k nahi balki kaafi lambe arse se ek dusre k dost hain. Aur yun hi baat karte hanste apni baatein share karte hue meri aankh lagg gayi aur mai kab sogaya, mujhe pata nahi chala. Ananya ko laga shayad mai sogaya hun par fir bhi usne phone nahi kaata tha. 






Subah k shayad 7 baj rahe the. Maine Ananya ko mera hotel ka naam bataya tha or mere phone pe 4 missed calls the. Phone ki ghanti baji or phone uthaya to Ananya ki awaaz thi, usne poocha room me window hai kya, khidki se bahar dekho. Samaj nahi aya, aur kyu kya karte hue bahar dekhta hu to wo ladki niche bullet pe thi or horn bajate hue phone pe boli - "You have 15 minutes! Come fast." Mai khush bhi tha or bhot jaldi bhi. Mai use wait nahi karana chahta tha, mai apna travelling time save karna chahta tha. Aur khushi is cheez ki thi ki Ananya mere saath chal rahi thi aur add on me humare pass bike thi wo bhi bullet. 






Jaldi se ready hoke mai niche check out k lie bhaaga, wo reception k pass baithi thi. Hum waha se nikle, aur usne chaabhi dete hue firse ek staring look dia and said - "Now say? Chalein ab?" Uska wo ghoorna or ghoorne k baad ka hasna, dil agya tha chhori pe. 










To Triyambkeshwar

Hum baat karte hue apne raaste pe chale jaa rahe the. thodi der me highway pe connect hogye. Saamne, side me or jaha bhi nazar jati bas pahad hi dikh rahe the. Mausam bhi maano saath dene me laga hua tha. Thandi hawayein, khaali sa highway pahadon k beech, mukaam tak humein le jate hue ye phat phat karti Royal Enfield bullet aur mere piche apni tez awaz me naye naye baaton ko batati Ananya. Mujhe lagg raha tha ki kaash ye waqt humesha hi aisa rahe. Wo apne dental k practices k kisse suna rahi thi to mai apne engineering k. Aur dekha jae to padhai k saath enjoyment har jagah hoti chahe koi field ho. 








Hum Triyambkeshwar pahunche, bike laga k ek jagah hum andar ki ore chale. Wo raaste bhar batati gayi har jagah k kisse or waha ki prachalit kahaniyan. Kaha jata hai ki Bhagwan Ganesh yahi hue the or Godavari nadi bhi mandir k peeche dikh rahe lambe pahad se nikalti hain jo aasman k upar tak jata dikh raha tha. Mandir k pass or bhi tarah tarah k pahad the. Mere questions pe questions ki wajhse Ananya ne already mujhe question mark bolna shuru kar dia tha. Humne hath pair dhul k prasad lia, andar dekha to kaafi lambi line thi. Log dheere dheere badh rahe the. Ananya mere aage khadi thi, aur jab bhi mai usse kuch puchta wo piche mud mud k dekhti fir hass deti. Hum bhi gaye, darshan kia or thodi der me bahar agye. Pass hi k snan kund ko bhi dekha, aas pass bane ghar aur baaki k pahad dekhte hue hum koi ek shop me gaye. Chhole samose khate hue maine Ananya se pucha ki mausam kaafi accha hai, kya hum upar nahi jaa sakte, Brahmagiri parvat. Godavari ji wahi se nikalti thi. Kaafi jada height pe tha par bohot mann tha jane ka. Ananya ne kaha time lagega fir baaki jagah bhi to jana hai. 





Sunehra mausam aur thandi hawayein, maine kaha abhi jaha hai wo to dekh lein baaki ka baad me dekhenge. Wo bhi kabhi nahi gayi thi, usney thoda sochte hue haa kar di or puchte puchte hum pahunche. Starting me to dono me josh pura tha trekking k naam pe chalne ka par jaise jaise height badhti gayi, josh bhi kam hota gaya. Lekin height k saath ka jo scene dekhne ko mil raha tha upar se, wo pura vasool tha. Yahi soch k hum chadhte gaye ki agar yaha ka scene aisa hai to upar ka scene to dil hi khush ho jaega. Kaafi mehnat k baad hum upar pahunche. Ye kaafi purana tha lekin yaha se dikhne wala drishya har pal naya lagta tha. Ananya kaafi khush dikh rahi thi or uske is safarname ka hissa banne k baad m double khush tha. Uncha pahad, ghana badal aur waha se nikalta Godavari nadi ka pani, ye scene life achievement ka hissa tha. Aur ye mulaqat zindagi ka anmol hissa thi. Jitna khush mai is tour par aake tha usse jada khush ye ladki thi. Shayad padhai se kaafi time k baad lamba break lia tha. 








Hum upar the un tez behti hawaon k beech pani ko dekh rahe the, maine usey kaha socho agar yaha ni aate or baad me kabhi dekhte to kaafi jada miss karte ise. Achanak mujhe yaad aya aur inhi sab baaton k beech maine ussey pucha - " Kal tumne phone kyu nahi kaata?" Maine subah check kia to call duration kaafi der tak ki thi. Usney mujhe firse ghura or daant te hue chup kara dia ki kitne questions hain? Aur aate kaha se hain har 2 sec me? Fir hum dono hi hass pade. Aur ab hume jaldi utar k next location pe jana tha. Ananya ne baat taal di thi par .. 

Waise hum dono hi khush the aur bass abhi is moment ko jee rahe the.













Read and comment. And please share ..

Do visit this place. 

Jai Mahakaal 
















Comments

Anonymous said…
Noice.... Next part ka firse intezaar raha
Lucky said…
Love this article ❤️
Anonymous said…
Awesome story
Anonymous said…
The way u give ur story all that masala mirch and tadka.. it's just too amazing
Pooja SR said…
Wow... interesting story
Kesarwani said…
Nice debesh 👌👏
Durgesh said…
Wonderful !!
StoryHub said…
Very Much Thank You to All..
Aj said…
Nice work keep sharing,keep supporting
Please visit my blog
https://ajfitnessaddiction.blogspot.com/2020/06/different-types-of-tea-and-their-health.html
Nilakshi Garg said…
Loved this info!!

Popular posts from this blog

Ek Mulaqat - Nashik Meet

Baaton ki shuruwaat