Aahat at top floor

                                                             StoryHub

Mai is shehar me naya tha. Nayi job thi, aur rehne ka koi thikana nahi tha. Dosto se puchne k baad or online sab dekhne k baad mujhe mere office k pass hi ek kuch 1 km ki distance pe sasta or spacious sa room dikha. Train se utarne k baad maine cab wale ko uss jagah ka location bata dia. Yun to koi kuch khaas ni janta tha uss jagah k baare me lekin ha jo waha reh chuka tha ya uske aas pass rehta tha sirf usey hi waha ka asli saach pata tha. In sab baaton se anjaan, mujhe to sasta or bada flat dikh raha tha. 1 bhk complete tha or ghar k sabse upar wale maale(floor) pe tha. House owner se baat kar k mai turant uss jagah pe shift hogya. Shehar chota tha islie flat k lie agreement ki jarurat nahi thi bass pehchan k lie ek identity proof chahie tha. 

Mujhe kaafi khushi thi ki ghar bhi pass mil gaya or sasta bhi tha. Maine turant apni Maa ko phone kia jo mobile pakad kar hi baithi thi ki kab phone aega or mere pahunchne ka samachar unhe milega. Flat lene me lagbhag 1 ghanta beet gaya tha to Maa ne daant te hue kaha ki phone karne ka time bhi nahi hai bahar chala gaya to. Maine bataya ki mai aaram se pahunch bhi gaya or online dekha hua flat bhi mujhe mil gaya hai. Jagah achi hai, pass hai or kaafi spacious hai. 

Maine thodi der me kia or thaka tha to gehri neend me sogya. Shaam ko utha to mann hua ki office dekh aata hu ghumte tehelte. Phone pe dost se baat karte hue mai office tak chala gaya lock laga k. Mai wapas aaya to room me dekha ki mere bag se ek do saman nikal k bahar pada tha jabki maine abhi tak unpacking bhi nahi ki thi. Mujhe laga shayad mai neend me tha or yaad na raha ho. Mai fresh hone k lie washroom gaya to achanak hi laga hua bulb fuse hogya jo abhi tak sahi salamat on tha.  

Jab tak nayi jagah k baare me aapko pata na ho tab tak kuch bhi alag se khayal mann me nahi aate or sab normal lagta hai. Mai agli hi subah office gaya or colleagues se interaction hua, sabse baatein hui, kaam shuru hua. Lunch me jab mai canteen me baitha tha to mere colleague ne jo yaha 6-7 mahine pehle hi aya tha usne utsukta vash pucha ki aap naye hain kya? Kaha stay kia hai apne? Jawab dete hue maine kaha ki bas yahi thodi hi dur pe aisa aisa jagah hai, wahi flat hai upar waha maine online search kar k flat le lia hai. Thoda hairan hote hue or sehamte hue usne phone nikal k ek image dikhate hue kaha kahi ye ghar hi to nahi? Maine jawab dia ki haa, yahi to hai. Maine yahi pe flat lia hai top floor pe. 

Usne mujhe turant wo room khali karne ko kaha or bola jo bhi payment hua h wapas lo or kahi or shift ho jao. Jo bhi help chahie hogi mai karunga. Maine kaha aisa kyu yaar, sasta hai acha hai spacious hai, pass bhi hai aur kya chahie. To usne tarak ladate hue kaha ki tumne kabhi socha ki itne pass or achi jagah pe itna sasta or bada flat kaise mil gaya. Maine kaha haa thodi hairani to mujhe bhi hui thi lekin thik hai acha hai. Usne mujhe kaha ki kaam khatam hone k baad milna. Shaam tak kaam khatam hua or hum pass k hi cafe me jaa k baithe or do coffee order ki. 

Maine pucha ussey ki usney mujhe aisa kyu kaha? kya problem hai us jagah pe? Usney mujhe batana shuru kia to mujhe yakeen hi nahi hua or sacch mano to jaise jaise wo bta raha tha mere shiverings shuru hogyi thi. Usne kaha ki meri hi tarah online dekh k wo bhi aya tha us flat me rehne or raha bhi tha 2 week. Lekin us 2 week k dauran jo jo incidents uske sath huye wo kaafi darawna tha. Jab mera colleague ghar pe hota tha to kuch na kuch ajeeb ghatnayein ghat ti hi rehti thi. Jaise apne aap bartan girna, bathroom ka tap on hoke pai girne lagta tha. Koi saman apni jagah se khud hi shift ho jata tha. Kapde jo hanger pe ya khule case me rakhe hote the khud hi gir jate the. Sote samay kisi k chalne ki aahat hoti thi. Ek din wo office gaya tha to sham ko jab wo  flat par wapas aya to niche k flat wale ne bataya ki 12-1 bje bartan ki girne ki awaz aa rahi thi lagataar 10-15 minute tak. Unhe laga ki kuch problem hai lekin jab wo seedhi upar chadh kar gaye to dekha ki seedhi k door pe to lock laga hai. Tabhi ek zor se awaz huyi gate pe jaise kisine gate pe tezi se haath maara ho bhad-bhad bhad-bhad karte hue. Koi gate khatkhata raha tha andar se or bahar se lock laga tha. Mera colleague turant daud kar gaya to dekha ki kitchen me saare bartan faile hue the or masala pure zameen pe bikhare pade the. Wo samaj gaya tha ki kuch gadbad h or usne tabhi socha ki wo subah hote hi flat chor dega. Lekin raat kaatni thi to wo bina kuch khae pie bas chup chap let gaya ki kaise kaise aj ki raat kaati jae. Usey tabhi uske friend ka call aya or wo baat karne k lie uske room se lagi seedhi pe jaise hi roof ki taraf chadhne laga tabhi room ka gate khud hi tezi se band hogaya. Or wo seedhi pe halka sa slip hogaya. Usey chot nahi aayi lekin wo bohot darr gaya tha. Ussey samaj nahi aa raha tha ki ab kya kare. Usney darte darte room ka door khola or jaise hi bike ki chabhi lene k lie dauda to kisi chiz se fass k gadde pe jaa gira. Hadbadi me isse pehle ki wo uthte hue bhaagta, tabtak maano kisine uska gala pakad lia ho or na to wo hath hila paa raha tha na pair. Na hi uske gale se awaz nikal rahi thi ki wo kisi ko help k lie bula pata. Bass mann hi mann me bhagwan ka naam lete hue wo chah raha tha ki kaise yaha se bache to bahar bhaage. 20 sec baad ussey jaise hi laga wo thoda free hua hai tab tak usne bass chabhi uthyi or bhaagna shuru kar dia. Neeche ki seedhi tak pahunchte hi room ka door or main door dono band hogye or fir wahi awaz khatkhatne ki bhad bhad bhad bhad aana shuru hogyi. Wo us din to apne dost k yaha sogya tha or agle hi din apne 7-8 dosto ko lekar flat se saaman lekar nikal gaya. Or usne bataya ki jab wo apne dosto k sath gaya tha to koi b cheez apni jagah par nahi thi. Sab pure zameen pe room me, kitchen me batan masale bikhare hue the. Bathroom me pani bhara hua tha. Ye sab sunkar raubgte khade kar dena wala tha kyunki na mera koi dost tha or na hi main abhi kahi or ja sakta tha kyunki rent advance me pay ho chuka tha with security deposit. Jada paise bache nahi the khane k alawa. Shaam k 7:30 baj chuke the or itna sab sunne k baad kiski himmat hogi andar jane ki wo bhi sab kuch janne k baad.  Jate Jate usney mujhe yahi kaha ki flat khaali kar dena jitna jaldi ho skae or yakeen na ho to niche wale paying guest se puch lena jo rent par hai kyunki ye problem us top floor k main gate k bahar ni aati. Mai sochte hue saari baatein dheeme dheeme seedha mere floor k niche reh rahe rent pe, unse pucha to unhone bhi sab bataya. Maine kaha jab itna kuch hai to owner kyun allow karta hai rent pe dene k lie. Mujhe samaj ni aa raha tha ki mai kya karun. Mujhe fir bhi laga ki kyun na ek baar khud bhi reh k dekh liya jaaye ye sab ghatnayein jo ghatit hui hain asal me sacch hai ya kuch or. Magar us raat sone k baad jo mere sath hua wo rooh ko hila dene jaisa tha. Thodi bohot ghatnayein jo maine suni, shayad aaj wo mere sath ghatit honi thi. Jaise hi raat me kha k leta or mobile chala raha tha tabhi laga maano kisine mera gala pakad lia hai or haath pair sunn padd gae the. Mai chah kar bhi kuch nahi kar pa raha tha. Bas mann me ek hi chiz chal rahi thi, wo tha bhagwan ka naam. Mujhe laga shayad aj mai nahi bachunga. Dheeme dheeme to saans bhi aana band hogyi thi. Mai sab kuch dekh sakta tha ki kitni koshish k baad bhi na mere haath hil rahe the or naa hi pair. Mere sharir itna bhaari sa hogya tha. Lekin 40 se 50 sec baad laga ki bhot jada bhaar mere upar se utar gaya ho. Mai turant hi bahar ki gate ki or mobile leke bhaaga. Dekha to seedhi k gate pe kundi lagi hui hai or mai tezi se bhaagta hua hadbadi me ussey kholne ki koshish kar raha tha jaise koi mere piche aa raha ho. Kundi maano jaam si hogyi thi to mai fir kitchen ki taraf bhaaga. Kitchen me ghuste hi ajeeb si smell aani shuru hogyi or mujhe piche se kisine dhakka de dia. Mai fir bahar ki taraf jaa gira. Waha se uthte huye maine ek baar fir kundi kholne ki koshish ki or gate khul gaya. Bina chappal k mai waha se bhaagta hua ghar k bahar nikal gaya. Maine turant hi office wale uss colleague ko phone kar k bulaya or waha se nikal gaya. Uske ghar pahunch k maine ussey saari baat batayi. Kisi tarah agli subah humne hamara samaan nikala or mai kabhi dobara uss ghar me wapas ni gaya. 

Will be back soon with another story. Please Like, Comment and Share.