Khauf - Seen

                             StoryHub

Khauf - Part 2

To read the the previous part - Khauf - Part 1

Based on real incident somewhere... 

Kahaani us jagah ki sabko pata thi par na kabhi kisi ne batana chaha or na hi inn logo k pass itna time rehta tha ki ghr k aas pass kisi se baat karein. Ye to bs apna contract ka kaam pura karne aaee the or 2-3 mahine me khatam kar k jane wale the. Din bhar ghar se bahar hi rehte bas raat guzarne ki jagah hi chahie thi lekin inhe nahi pata tha ki is ghar me aisa kya hai ki koi b kirayedaar 2 din se jada yaha nahi rukta. Ho sakta hai inme se kisine kuch dekha bhi ho to kaha hosh rahega agar ye pi k aein or din bhar ki thakan k baad so jate the. Kahi agar kuch dikh bhi gaya to itni gehri thakaan, neend or nashe me kaha kuch pata chalne wala tha.

Ashish ne saari baat Rahul ko keh daali thi. Pehle to wo bohot hasa but jab usne dhang se us dukaan wale shaqs ki baat batayi briefing dete huye to dono ko laga ki shayad wo sahi bhi ho sakta hai kyunki use kya milega inn logo ko dara k. Agle hi din dono ne mil k aas pass k or 4-5 logo se yahi chiz janni chahi to pata laga ki ye baat sacch hai or kuch saal pehle kuch hua tha jisse yeh ghar ab haunted hai, yaha saya hai jo jada din kisiko rukne nahi deta. Ye pehle the jo yaha 1 hafte se jada ka samay bita chuke the. 

Rahul or Ashish ne yeh socha ki ghar aate hi sabko ye baat bata denge jo bhi inhone ne aaj suni hai or pata ki hai. Shaam ko jab sab aee or ek sath baithe, to khana khaane k baad in dono ne saari baatein baki k 3 logo ko bata di. Wo teeno bhi zor zor se hass pade. Unhone baat taal di ye keh k ki bahar ka jann k ye log unhe darane ki koshish kar rahe hain. Or saath hi unhe yeh ghar bhot saste me mil gaya tha ho sakta hai koi unhe ghar se bahar nikalwa k khud yaha rehna chahta ho kyunki ghar bada or spacious tha saath me sasta bhi. Sab is baat ko lightly lete hue bata ko taal k sogye. Sone k thodi hi der baad Rahul ko aisa laga ki koi ussey pakad k uska pair khinch raha hai. 1 baar hua, 2 baar hua fir achanak se uth baitha or saamne kuch nahi tha. Wo fir  soo gaya. 

Aaj ki raat itna asani se nahi katne wali thi. Thodi hi der me Ashish ko aisa laga ki koi uske upar chadh baitha hai. Or uska galadabae hue hai. Wo kaafi haath pair maarne ki koshish kar raha tha par aisa laga raha tha puri body sunn hogyi ho. Ankh khuli thi lekin saamne kuch nahi dikh raha tha. 2 minute k baad Ashish tezi se Rahul k pass gaya or baki sab ko jagate hue bolne ki laga abhi abhi uske saath kya hua tha. Ye sunte hi Rahul bho keh pada ki ussey bhi 2-3 baar aisa laga jaise maano koi use bistar se khiche lie jaa raha ho. Sabne socha ye dono mazak kar rahe hain or inhe hi chillane lage ki raat me mazak mat karo sone do. Tab tak Manish ne Ashish ne light jala di or dekha to Ashish ka galaa pura laal tha. Kisi k haath k nishaan ni the lekin pura galaa bhaari laal ho rakha tha. Manish ne kaha ruko tum log mai fresh ho k aata hu fir dekhte hain kon hai. Mai uska ye wo kar dunga or gaali dete hue chillane laga. Ye kehte hue wo washroom me chala gaya or gate kholte hi daudte hue bahar aaya kyunki gate ka darwaza kholte hi wo dekhta hai ki washroom k cammode pe sar niche kar k wo ulta latak rahi thi. Manish jab mujhse mila tha usne bataya tha ki ye scene kaafi bhayanak tha. Or us chudail kahein ya saaye ka pehla attack bahar aane k baad Manish k hi upar hua tha kyunki usne hi gaaliyan dena shuru ki thi. 

Wo tez diwar pe chalte hue gol ghum rahi thi, inn logo k around chakkar kaat rahi thi.Ye dekh kar sab bohot jada darr chuke the. Kisi ka dimag kaam nahi kar raha tha. Bass sab darr se chilla rahe the or bhaagne ka raasta dhund rahe the. Or ekdm se chillate hue ghar k darwaze k taraf bhaage. Or daudte hue seedha market tak ja pahunche jo thodi dur pe tha. Bina pair me chappal pehne wo bass daudte gaye. Ye log fir dobara kabhi uss ghar me wapis nahi gaye. Inka jo bhi saaman tha kapda latta aj bhi waha pada hai, bass acha ye tha ki sbaka mobile sab k jeb me tha or gaadi ki chabhi Ajay k jeb me padi hui thi. Or na hi inhone kabhi koshish ki owner se janne ya saaman nikalwane ki. 

Aaj bhi ye scene wo log yaad karte hain to darr jate hain kyunki agar aap kisi room k beech me khade ho or koi ladki baal khule deewar par bhaagte hue aapka gol chakkar laga rahi ho to just imagine that scene experiencing it on you ....!