Ek Mulaqat - Yaadein

                                                              StoryHub


Previous Part - Ek Mulaqat





Ye Mulaqat hum dono ko yaad rehne wali thi kyunki na maine kabhi apni solo trip pe kisi ko saath aane dia tha or naa hi Ananya kabhi aise anjaan shaqs ko apna hi shehar ghumane me lagi thi aur wo bhi apna Dada Dadi ko chord k. Na maine kabhi iss tarah ki trip enjoy ki thi or na Ananya ne. Mai is chote se samay me dher saari yaadon ko samet lena chahta tha. 

Kyunki zindagi me kabhi bhi kuchi bhi ek jaisa nahi rehta. Log milte hain, bichhadte hain, kuch apne se kuch paraye se, sath reh jaate hain to wo bitaye hue pal or unke sang guzzare hue wo lamhe. Yaadein hi reh jati hain aksar in haseen logo k sath. Mujhe ni pata tha ki hum dubara milenge ya nahi, koshish sab karte hain lekin uske lie bhi ek wajah honi chahie. 

Shaam hone lagi thi, suraj ki roshni dhimi ho chali thi or chand dheere dheere apni chandrima bikherne aa raha tha. Humne ek chote se dhabe pe ruk k chai pi. Hum bas yahi baatein karte rahe ki din bhar kya hua or kitna maza aya lekin mai uske sath aur bhi ghumna chahta hu, ye baat mai usey na bol saka. Thode hi der me Ananya ne mujhe hotel drop kia or iss soch me pareshan ki aage hum milenge ya nahi, Ananya bol padi ki fir milenge kya hum? Muskurate hue jawab me maine kaha - "Na ye raaste khatam hote hain, na aage badhte rehne wale ki manzilein." 

Dekha jae to dono hi khush the, Ab chahe acha partner mil gaya ho naye raaston par chalne k lie ya baat kuch or thi. Agli subah meri train thi or raat me hi maine Ananya ko bata dia tha ki subh meri train hai, is soch me ki shayad hum fir milenge. Mai cab kar k station pahunch chuka tha or train se jada Ananya ka intezar tha. Thodi hi der me train apne samay pe aa k platform par lagg chuki thi. Aur mai abhi bhi apna bag lie station par train k samne wale bench pe baitha hua tha. Kabhi is seedhi se utarte logon me ussey dhundta hua to kabhi dusre side pe. Dekhte dekhte train k chalne ka samay ho chuka tha aur maine andar jake apni seat pe saman rakkha aur ek last baar gate pe aa kar dekha to hasti hui Ananya mere coach k taraf daudti chali aa rahi thi. 

Maine ussey thoda hairan hote hue kaha ki mujhe laga shayad tum nahi aaogi. Usne jawab dete hue kaha jab raaste ek ho to saathi dheere ho sakta hai, magar akela nahi." Alvida!



Let's see ab Pune pahunchne k baad dono milte hain ya nahi. Stay tuned for another story soon.

Comments

Popular posts from this blog

Ek Mulaqat - Nashik Meet

Baaton ki shuruwaat

Ek - Mulaqat Nashik Tour